Ahmeti: Jasharajt janë emblema e pavarësisë së Kosovës

Lideri i Bashkimit Demokratik për Integrim (BDI), Ali Ahmeti me rastin e 22 vjetorit të Epopesë së UÇK-së kujtoi gjithë sakrificën e Jasharajve duke theksuar se Baca Shaban, Ademi e Hamza, janë emblema e pavarësisë së Kosovës.

“Sa popuj njohin njëkohësisht krenarinë dhe dhimbjen, mallin dhe ngadhënjimin, fitoren në sakrificën sublime, durimin në palcë, zemrën zjarr e kokën akull, lotin dhe buzëqeshjen, rënien dhe ngritjen, përjetësinë…Jasharajt, Baca Shaban, Ademi e Hamza, janë emblema e pavarësisë së Kosovës, e luftës së popullit shqiptar, e fitores së kombit tonë. Sot u riktheva në Kosovën time, aty ku i gjej të ngërthyer të gjitha, për të qëndruar pranë Jasharajve, përgjithmonë, sa të jetë jeta”, ka shkruar Ahmeti në llogarinë e tij në Fejsbuk.