Bujar Osmani fiton drejtësinë

Bujar Osmani ka fituar drejtësinë për të dalë krejtësisht i pastër në të ashtuquajturin rasti “Pacienti”.Osmani ka dalë krejtësisht i pafajshëm në këtë proces të gjatë por më në fund triumfues për njërin ndër figurat më mira të politikanit shqiptar në Maqedoninë e Veriut në angazhimin e tij profesional në proceset e shumta politike të vendit . Vetë zëvendës kryeministri i Maqedonisë së Veriut e ka bërë të ditur këtë përmes rrjetit social Facebook

“E vërteta më në fund arriti te drejtësia!
Të gjitha spekulimet dhe akuzat e rreme ndaj meje lidhur me rastin “Pacient” kanë përfunduar” ka deklaruar Osmani .
Ai thotë se siç kam argumentuar vazhdimisht, pas shqyrtimit të të gjitha provave të dorëzuara, Prokuroria Publike e mbylli hetimin dhe vlerësoi se nuk kishte asgjë të paligjshme në punën time.
“Dua të falënderoj të afërmit e mi, familjen time dhe miqtë e mi, për besimin që kanë pasur gjatë gjithë kësaj periudhe. Faleminderit edhe kolegëve dhe bashkëpunëtorëve të mi për kujdesin dhe durimin që kishin, me çka më lanë hapësirë ​​e edhe kohë për të dëshmuar që kam pas të drejtë”ka deklaruar Bujar Osmani.
Ndryshe tek “Pacienti “ai  dyshohej për kepërdorim të pozitës dhe autoritetit zyrtar të zyrtarëve dhe personave përgjegjës në procedurat e prokurimit publik, për të kryer punë ndërtimore dhe vepra zejtare në më shumë objekte të shëndetit publik në tërë Maqedoninë. Hetimi përfshiu atë kohë 15 persona, mes tyre dhe ish ministrin e Shëndetësisë, Bujar Osmani, tash zëvendëskryeministër për Çështje Evropiane nga radhët e Bashkimit Demokratik për Integrim (BDI),por të gjitha këto ishin akuza të rreme sepse kjo çështje tashmë është e mbyllur dhe nuk ka asgjë të paligjshme ndërsa Bujar Osmani ka fituar tashmë drejtësinë.