Grubi: Qeveria merr vendime në zbatimin e masave të punësimit duke respektuar standardet ndërkombëtare

Zëvendës kryeministri i Qeverisë, Artan Grubi, ka cekur se sot në mbledhjen e Qeverisë së Maqedonisë, miratoi vendimin për respektim e parimit të përfaqësimit të drejt dhe adekuat të të gjitha kategorive shoqërore në sektorin privat sa i përket kombësisë, gjinisë, religjionit, racës në pajtim me standardet e parapara nga Kombet e Bashkuara dhe Organizata Ndërkombëtare e Punës.

Z. Grubi ka njoftuar po ashtu se sot miratuam edhe inkurajimin dhe zhvillimin e barabartë në përputhje me të dhënat e Byrosë për Zhvillim Rajonal dhe nivelin e zhvillimit të rajoneve planifikuese në Republikën e Maqedonisë së Veriut.

Postimi i Artan Grubit:

Qeveria e Republikës së Maqedonisë së Veriut gjatë zbatimit të programeve dhe masave të punësimit do të respektoj të gjitha parimet themelore të nevojshme.
Gjatë seancës së sotme, qeveria e RMV-së miratoi vendimin për respektim e parimit të përfaqësimit të drejt dhe adekuat të të gjitha kategorive shoqërore në SEKTORIN PRIVAT sa i përket kombësisë, gjinisë, religjionit, racës në pajtim me standardet e parapara nga Kombet e Bashkuara dhe Organizata Ndërkombëtare e Punës.
Gjithashtu sot miratuam edhe inkurajimin dhe zhvillimin e barabartë në përputhje me të dhënat e Byrosë për Zhvillim Rajonal dhe nivelin e zhvillimit të rajoneve planifikuese në Republikën e Maqedonisë së Veriut.