Kolonel Dritan Demiraj: Mirënjohje dhe respekt për Forcat e Armatosura

Te nderuar miq!
Me rastin e 109 vjetorit te Forcave te Armatosura të Republikes se Shqipërisë deshiroj ti shpreh mirenjohjen dhe respektin më të lartë çdo kolegu burrë dhe grua në uniformë me te cilet kaluam se bashku 35 vitet me te bukura te jetes tone.
Forcat e Armatosura kane ne gjirin e tyre njerezit me te ndershem, dedikuar, profesioniste dhe kombetare, te cilet edhe pse me te keqpaguarit ne raport me institucionet e tjera te vendit gjate te gjitha qeverive, kane shërbyer me devotshmëri, profesionalizem dhe kane bere sakrificat me sublime në mbrojtje të Atdheut, Pavarësisë, Sovranitetit dhe Sigurisë Kombëtare, garantimit të lirisë, paqes e stabilitetit në rajon dhe ne botë nën Flamurin Kombëtar.
Profesionalizmi dhe sakrifica juaj ka shfaqur cilesite te mire te Kombit Shqiptar te cilat jane pasqyruar ne vazhdimesi ne misionet paqeruajtese ne Bosnje, Gjeorgji, Çad, Mali, Irak, Kosovë, Liberi, Bregun e Fildishte, Estoni, ne misionet luftarake ne Afganistan dhe jo vetem duke sakrifikuar edhe jetet tuaja.
Me kete rast kujtojme heronjte tane te cilet rane ne krye te detyres kolegun tone Kapiten Feti Voglin por edhe koleget e tjere. Qofte i paharruar kujtimi i tyre.
Qeveria Shqiptare duhet te vazhdoje më me intensitet mbeshtetjen e forcave te armatosura, te rrise buxhetin per mbrojtjen, te permiresoje pagesen e tyre, te modernizoje me tej infrastrukturen e stervitjes, punes, jeteses ne menyre qe te rriten me tek aftësite trajnuese dhe kapacitetet operacionale, te rrisin me tej bashkepunimin me FSK-ne për të qenë gjithmonë të gatshëm në përgjigje të misionit, situatave dhe sfidave që parashtron koha, si dhe detyrave të cilat burojnë nga Kushtetuta e Republikës së Shqipërisë dhe angazhimet në kuadër të NATO dhe SHBA-ve.
Si perfundim, do deshiroja qe me kete rast te falenderoja per mbeshtetjen e jashtezakonshme qe kane dhene SHBA-te per FA Shqiptare ne vazhdimesi qe nga anetaresimi ne NATO dhe deri tek modernizimi i vazhdueshem i tyre.

Te nderuar kolege!

Zoti ju bekofte ju dhe familjet Tuaja.

D.D. Michigan.