LSDM: Përderisa Maqedonia fiton karrige në NATO, Mickoski shpërndan gënjeshtra

Nëpërmjet një njoftimi nga LSDM thuhet se “përderisa Maqedonia e fiton karrigen në NATO, anti-perëndimori Hristijan Mickoski vazhdon me destruksione dhe manipulime”.

Nga LSDM thonë se Mickoski nuk arriti dhe nuk do të arrijë ta ndalojë të ardhmen e Maqedonisë në NATO dhe Bashkimin Evropian.

“Maqedonia nesër do të ulet në karrigen e saj në NATO, kjo është sukses për qytetarët, shtetin dhe humbje e fortë e Mickoskit dhe agjendës së tij anti-perëndimore”, thonë nga LSDM.

Sipas LSDM-së Mickoski le të mos kërkojë alibi për disfatën që e pret dhe se zgjedhjet do të jenë korrekte, të lira dhe demokratike.

“Në vend se të shpërndajë të pavërteta, Mickoski të përgatitet për disfatë në zgjedhjet për kryetar shteti, le të përgatitet për disfatë në çfarë do zgjedhje”, thuhet në fund të njoftimit të LSDM-së.