Muhamed Sejdini , president i FFM-së me 82 nga 90 vota

Ashtu si shkroi edhe Agjencioni i lajmeve Zhurnal kohë më parë rreth zgjedhjes së Muhamed Sejdinit në krye të FFM-së, sot edhe zyrtarisht në Kuvendin Zgjedhor të FFM-së, Muhamed Sejdini si kandidat i vetëm në këtë garë, mori pëlqimin e 82 delagatëve nga 90 gjithësejt delegat të pranishmëve.

Mandati i tij do të jetë deri në vitin 2021, deri në zhvillimin e Kuvendit të rregullt të FFM-së.

Muhamed Sejdini është presidenti i ri i Federatës së Futbollit të Maqedonisë. Në kuvendin zgjedhor të zhvilluar sot në Ohër nga 96 delegatë që numëron gjithsej federata, 90-të ishin prezent 82 votuan “Pro” zgjedhjes së Sejdinit në krye të Shtëpisë së Futbollit vendor.

Në garën për postin e presidentit të FFM-së, Sejdini ishte kandidati i vetëm dhe kjo është hera e parë që një shqiptar do ta udhëheq FFM-në. Në Kuvendin zgjedhor të federatës vendore morën pjesë Davor Shuker si anëtar i Komitetit të UEFA-së, Hejdi Beha nga FIFA si dhe Gazmend Rustemi si përfaqësues i Agjencionit për Rini dhe Sport. Sejdini në këtë post do të zëvendësojë Ilco Gjorgjioskin që vitin e kaluar u tërheq nga kreu i FFM-së, ndërsa shqiptari ishte zëvendës president i këtij institucioni në pesë vitet e fundit.