Ratifikimi i protokollit në Spanjë, Zaev: Mora garanci se do të ratifikohet në janar

Kryeministri Zaev thotë se ka marrë garanci nga homologu spanjoll që protokolli do të ratifikohet në janar. Thotë se ka diskutuar edhe me presidentin francez, Makron, për datën e anëtarësimit në BE. Nuk di të japë detaje se për çfarë kanë diskutuar e nëse ka marrë ndonjë garanci për datë të shpejtë, por tha se e ardhmja që na pret, është e mirë.

“Biseduam me kryeministrin aktual, Pedro Sançez, për detajet e qeverisë së tij dhe jemi pjesë e miratimit të protokollit. Më dha besimin që në janar do të mbyllet çështja e miratimit të ratifikimit të protokollit dhe menjëherë do të deponohet në Uashington. Kam pasur mundësinë të bisedoj me të gjithë liderët – anëtarë të Aleancës. Me presidentin Macron kam biseduar 3 herë dhe jam optimist se na pret një e ardhme e mirë, nuk dua të ndaj detaje, e jona është që të vazhdojmë të punojmë në reforma, të japim më shumë argumente dhe gabimi historik të përmirësohet.”,- tha kryeministri i RMV-së, Zoran Zaev.