Zv.kryeministri Lika viziton në Gostivar familjet e viktimave në autostradën Shkup – Tetovë

Zv.kryeministri për zbatimin e marrëveshjes së Ohrit dhe sistem politik, Hazbi Lika sot ka qëndruar në qytetin e Gostivarit ku ka vizituar të gjitha familjet të cilët pësuan në aksidentin e ndodhur pak ditë më parë në autostradën Shkup – Tetovë, të cilëve ju shprehu nga afër ngushëllime me rastin e humbjes së më të dashurve të tyre.

Krahas vizitës tek familjet që humbën më të dashurit e tyre, zv.kryeministri Lika ka vizituar edhe Blagojce Trpevskin deputet i LSDM-së i cili në këtë aksident humbi djalin e tij, Jovicën për t’i shprehur kështu nga afër ngushëllimet e sinqerta.